ДЭЛХИЙ

Япон ээжийн охиндоо захиж хэлсэн үнэт сургаал !!!

ЯПОН ЭЭЖ ОХИНДОО ИНГЭЖ ЗАХИЖ ЭЭ

Охин минь шөнө нойргүй битгий хоноорой. Түргэн хоолонд бүү дурлаарай. Сүү сүүн бүтээгдэхүүнээс аль болох зайлсхийгээрэй. Даарч хөрөхөөс биеэ хамгаалаарай.

Тэвчээртэй битгий байгаарай. Хүчтэй байх гэж бүү хичээгээрэй. Зөндөө их дасгал хөдөлгөөн хийгээрэй. Ийм л байх ёстой гэсэн өөрийн дүрэм их бүү бий болгоорой.

Алдсан ч за яахав гээд бодож чаддаг байгаарай. Ийм өдөр байх гээд амандаа дуу аялаад явж сураарай. Төгс зүйлийг бүү хайж эрлхийлээрэй.

Энд биш гэж мэдсэн бол тэр газраас зугтааж чаддаг байгаарай. Чамайг чухалчилдаггүй хүнтэй удаан бүү байгаарай.

Энэ хорвоо чиний бодож байгаа шиг тийм хорвоо биш шүү. Энэ хорвоо төсөөлсөн шиг чинь сайхан биш шүү охин минь.

Бэлтгэсэн А.Тэргэл

 ДАРААХ ШАЛТГААНЫ УЛМААС ХҮН АМАРХАН XӨГШИPДӨГ 

Хүн бүхэн цаг хугацааны эрхээр хөгширч, дархлаа нь суларч, олон төрлийн өвчин тусдаг. Харин та үеийнхнээсээ овортой харагдаж, үргэлж өвчнөөс салахгүй байна уу? Яагаад бид түргэн хөгширч, өвчилдөг болохын хариултыг та бүхэндээ хүргэхээр бэлтгэлээ. Энэ нь хэд хэдэн шалтгаантай бөгөөд хамгийн гол нь хооллолт болоод сэтгэл санаа аж. Бид үргэлж стресс бухимдалтай байвал, маш амархан хөгширч, царай төрх гундах бол, буруу хооллолт нь дотоод эрхтнүүдийн үйл ажиллагааг алдагдуулдаг байна.

1. Буруу хооллолт

Таныг түргэн хөгшрөлтөнд хооллолт хамгийн чухал. Бид буруу хооллож, үргэлж стресс бухимдалтай байсны улмаас үеийнхнээсээ хөгшин, овортой харагдах сөрөг талтай. Ялангуяа тогтмол мах идэж, хөдөлгөөн багатай байх нь хоол боловсруулах системийн ажиллагааг султгаж, хоол шингэхгүй байх нөхцлийг бүрдүүлдэг.

Харин үүний улмаас тухайн хүний дотоод эрхтнүүдийн үйл ажиллагаа удааширч, жин нэмэгдэж, үе мөчөөр өвдөж эхэлнэ. Мэдээж илүүдэл жинтэй хүмүүсийн дотоод эртхэн хэвийн жинтэй хүмүүсийг бодвол сул байдаг буюу ямар ч өвчлөлтэй болж мэдэх аюул ойрхон байдаг. Тиймээс та наснаасаа эрт хөгширч, бусдаас овортой харагдахаас сэргийлэхийн тулд хамгийн түрүүнд хооллолтондоо анхаарах хэрэгтэй.

2. Элэгний үйл ажиллагааг дэмжих

Илүүдэл жинтэй болох үед хэвлийд хуримтлагдсан өөх нь элгэнд ч мөн нөлөөлж, элэгний өөхлөлтийг үүсгэдэг. Эхний үед тодорхой шинж тэмдэг илрэхгүй боловч, хүндэрвэл маш аюултай. Шинж тэмдэг нь илэрч эхлэхэд, элэг аль хэдийн маш их гэмтэж, муудсан байдаг. Тиймээс та элгээ өвчлүүлэхийг хүсэхгүй байвал одооноос илүүдэл жингээ хаяарай.

Та элгээ цэвэрлэхийн тулд: Эдгээрийг өдөр тутамдаа хэрэглэснээр, элэгний үйл ажиллагааг дэмжихэд тустай.

Сармис: Өдөрт 3-4 хумс сармис хэрэглэснээр элэгнээс хорыг шүүж, цэвэршүүлэхэд тусалдаг.
Бэрсүүт жүрж: Витамин С-гээр маш баялагаас гадна, элэг цэвэрлэхэд тустай антиоксидантуудыг агуулдаг. Өдөрт 1 ширхэг бэрсүүт жүржиийн шүүсийг шахаж уувал, хүний биеийн витамины хэрэгцээ хангагдаж, элэгний эсийг сэргээдэг.

Хүрэн манжин болон улаан лууван: Хүрэн манжин нь цус цэвэршүүлж, хүнд металыг хөөн гаргах ач холбогдолтой. Ингэснээр элэгний үйл ажиллагаанд сайнаар нөлөөлдөг.
Ногоон цай: Байгалийн гаралтай антиоксидант “катечин” хэмээх антиоксидонт ихээр агуулдаг тул элэгний үйл ажиллагааг бүхэлд нь дэмждэг.

Бүхэл үрийн гурил будаа: Бор будаа, гурвалжин будаа, хөц будаа, бүхэл үрийн гурил, хивэг, арвайн гурил, овьёос зэрэг нь В-гийн төрлийн витаминаар баялаг байдаг.
Хушга: Хушганы идээнд омега 3 болон бусад төрлийн ашигтай бодис ихээр агуулдаг тул, элэгний үйл ажиллагаанд нэн тустай. Хушга идэхдээ сайтар зажилж, шингэн болсны дараа залгих хэрэгтэй. Ингэвэл биенд ороод задрахдаа хурдан байдаг.

Авокадо: Энэ нь элэгний хортой бодисуудыг хоргүйжүүлэхэд зайлшгүй шаардлагатай глютатион хэмээх бодисын үүсэлтэнд чухал нөлөөтэй.

3. Зөв хооллолтын дэглэм: Хөлдөөсөн эсвэл хатаасан жимс, ногоо. Далайн байцаа. Самар. Үр тариа. Зөгийн бал

Та эдгээр хоол хүнсийг тогтмол идэж, зөв хооллолтын дэглэм баримталж, наснаасаа залуу харагдаж, эрүүл байж чадах юм. Мөн та чанаж, болгосон хүнсний ногоо, сайтар угааж цэвэрлэсэн жимс зэргийг идэж, их хэмжээний ус уух шаардлагатай.

Тогтмол савласан хоол хүнс идэх нь хоол боловсруулах системийг удаашруулж, ходоод гэдэс, элгийг гэмтээж, өвчлүүлнэ.

Мөн талх, гоймон, будаа, төмс гэхчлэн цардуул ихтэй хүнсийг, уургийн агууламж өндөртэй үхэр, тахиан мах, өндөг зэрэгтэй хольж идсэнээс болж өтгөн хатаж, гэдэс дүүрэх нь бий. Уураг нь хоол боловсруулах системийг удаашруулдаг бол, цардуул нь ходоодонд ормогцоо чихэр болж хувирдаг байна. Энэ нь хоол шингэх явцыг удаашруулж, гэдэс дүүрэх шалтгаан болдог.

Шийдэл: Эхлээд цардуултай хоол хүнсээ идэж, дараа нь уураг ихтэй хоолоо идээрэй. Гэхдээ цардуултай хүнс болох төмс, будааг хэтрүүлэн идэж болохгүйг анхаар. Харин та цардуултай ногоог уурагтай хүнстэй хольж хэрэглэж болох аж.

4. Эмчилгээний ус гаргаж авах 4 арга

Паалан саванд усаа буцалгаад савтай нь хүйтэн усанд хийж хөргөх хэрэгтэй. Энэ дамжлагаар буцалгаж хөргөсөн ус энгийн нөхцөлд буцалсан уснаас хавьгүй илүү соронзонтой байдаг. 5 эсвэл 7 ширхэг цахиур чулууг дүүрэн устай савандаа хийгээд марьлаар бүтээж 2 хонуулна. 2 хоногийн дараа уг усыг өөр саванд юүлэх ба ингэхдээ ёроолын усыг үлдээх хэрэгтэй. Учир нь цахиур чулууны тунадас, бусад химийн элемент нь дороо тунасан байдаг. Эдгээр шат дамжлагаар гаргаж авсан ус хүний биед маш сайн нөлөөтэй байдаг.

Савтай усаа хөргөгчид хийгээд хэсэг хугацааны дараа дээд хэсэг нь зайрмагтаж эхлэхээр нь уг нимгэн мөсийг авч хаяна. Ингэснээр усны муу хэсгийг нь арилгаж байгаа хэрэг гэнэ. Үлдсэн усыг нь ахин хөргөгчид хийгээд температурыг нь +3°C болгоод уувал таны биед хамгийн сайн нөлөөтэй. Хэрвээ танд хоолой хэлбэртэй соронз байдаг бол дундуур нь ус урсгаж, усны бүтцийг сайжруулж болно. Үр дүнд нь усны найрлага өөрчлөгдөж рашаан ус шиг бүтэцтэй болдог ажээ.

5. Стресс бухимдал

Таныг эрт хөгширүүлж буй нэгээхэн хүчин зүйл бол яахын аргагүй стресс бухимдал юм. Энэ нь царай төрхийг гундааж, арьсыг сулруулахын зэрэгцээ эрүүл мэндэд ч давхар сөргөөр нөлөөлдөг. Үүнээс гадна илүүдэл жинтэй болох нөхцлийг бүрдүүлж, таныг маш амархан өөрчилнө.

Харин стресс бухимдлаас ангижрахын тулд дасгал хөдөлгөөн тогтмол хийж, эрүүл мэнддээ анхаарах хэрэгтэй.

Бүх төрлийн дасгал нь таны сэтгэл санааг дэмжих допамин даавар төдийгүй эндорфин, сератонин гэх мэт хүнийг аз жаргалтай болгодог дааврын ялгаралтыг нэмэгдүүлдэг. Дасгал хөдөлгөөн тогтмол хийх нь стрессээс ангижруулж, биеийг чийрэгжүүлэн, хүнийг илүү сэтгэл өөдрөг болгодог билээ.

Эх сурвалж : Эрүүл мэнд сэтгүүл