ЭРҮҮЛ МЭНД

Сүнс судлаач О.Пунцагцэрэнгийн хүний энерги, эрүүл мэндийн тухай онц сонирхолтой ярилцлагыг танд хүргэе…

Монголын сүнс судлалын ухааны Академич, Зурхайн О.Пунцагцэрэн: Хүн эцгээсээ дээш гурван үеэ мэдэж явбал тэнгэртэй явдаг. Харин эхээсээ дээш гурван үеэ мэдэж явбал заяатай явдаг. ШИНИЙН 15-НЫ САР ХҮНИЙ ЭРҮҮЛ МЭНДИЙГ САЙЖРУУЛДАГ, 25-НЫ САР БҮХ МУУ ЭНЕРГИЙГ ЗАЙЛУУЛАХ ШИДТЭЙ.

– Сүнс гэдэг нь хүний биед оршин тогтнодог энерги юм. Ер нь хүний сүнс өдөрт долоогоос найман удаа биенээсээ гарч хаашаа ч юм аялдаг. Сүнсний аялал зүүд болж хүнд ирдэг учиртай. Тийм ч учраас үүрээр зүүдэлсэн зүүд биелдэг гэж ярьдаг. Сүнс биенээс гарч аялдаг гэдгийг батлах бас нэгэн жишээ байдаг юм. Хүмүүс урьд өмнө очиж үзэж байгаагүй газар очоод өмнө нь харж байсан шиг санагдчихлаа гэж ярьдаг даа.

Тэр нь өөрөөс нь өмнө сүнс нь аялчихсан гэсэн үг байхгүй юу. Хүн нас барлаа гэхэд тухайн хүнээс өмнө сүнс нь дээд тэнгэр лүү явчихдаг. Уг нь 106 цагийн дараа ч гэсэн бие нь амьдрах чадвартай байгаад сүнс, сүлд нь эвдрээгүй бол сүнс буцаад эзэндээ орж амьдрах чадвартай. Зарим лам нар сүлдийг нь дуудна гэж яриад байдаг. Угтаа бол сүнс, сүлд хоёр ялгаатай. Академич, Зурхайн О.Пунцагцэрэнгийн хүний энерги, эрүүл мэндийн тухай онц сонирхолтой яриаг танд хүргэе…

Сүлд нь явчихвал хүн амьд байна гэсэн ойлголт байхгүй. Сүлд нь байхгүй бол шууд үхдэг. Харин сүнс байнга орж гарч байдаг гэж би түрүүнд хэлсэн. Гэхдээ сүнс бас хаа хамаагүй орон зайгүй явчихдаггүй. Дээд оюун ухааны төв буюу бидний ярьдгаар Атланикийн том орчинд очоод цөм болж бидний оюун ухаанд нөлөөлж чаддаг. Түүнээс бид авралынхаа одыг гуйх хэрэгтэй юм.

Авралын од гэдэг маань эцэг өвгөдийнхөө сүнс байгаа газрыг хэлээд байгаа юм л даа. Лам бурхантайгаа, бөө тэнгэртэйгээ яриад дунд нь жирийн хүмүүс хэнтэй ярихаа мэдэхгүй үлдэж байгаа биз. Тэгэхээр тэд миний яриад байгаа авралын одтойгоо ярих хэрэгтэй. Өөрөөр хэлбэл өөрийнхөө өвөг дээдэстэй.
Тэгээд ч хүн эцгээсээ дээш гурван үеэ мэдэж байвал тэнгэрлэг явдаг.

Эхээсээ дээшхи гурван үеэ мэдвэл заяатай явдаг гэж ярьдаг юм. Ер нь өөрөөсөө дээшхи есөн үеэ мэдэж байх хэрэгтэй. Тэд л бидний оюун ухаанд цэнэг өгдөг. Сүнстэй холбогдуулан бас нэг юм ярихад хүн амьд оршихуйг шүтэж байж хийсвэр ойлголтоос хагацдаг. Тэгж байж хүний сүнс байх ёстой газраа байрладаг. Ерөөсөө хүн өглөөний ургах наран, шинийн 15-ны болон 25-ны сарыг байнга харж байх хэрэгтэй.

Яагаад гэхээр шинийн 15-ны сар хүний эрүүл мэндийг сайжруулдаг байхад 25-ны сар бүх муу энергийг зайлуулдаг ид шидтэй. Шинийн гуравны сараас олз омог дуудвал мөнгөтэй болдог. Энэ бүгд сүнстэй холбоотой. Өөрөөр хэлбэл сүнс биднийг удирдаж байдаг. Бас сүнсийг яаж үнэлэхээс тухайн хүний заяа төөрөг шалтгаална.

– Сүнсийг үнэлэх гэнэ ээ? -Тиймээ. Сүнсээ үнэлж байх хэрэгтэй. Сүүлийн үед хүмүүс гоё сайхан болох гээд л бие эрхтнээ мэс заслын аргаар өөрчилж байна шүү дээ. Зарим нь турах гээд л элдвийн эм бэлдмэл хэрэглэж байна. Чиний энэ үйлдлүүд сүнсэнд чинь огтхон ч таалагддаггүй. Хэдийчинээ их өөрчлөлт хийлгэж байна төдийчинээ л чи сүнсэндээ таалагдахгүй болно гэсэн үг.

– Сүнсэн дээ таалагдахгүй болох гэж байдаг хэрэг үү? Байлгүй яахав. Сүнсэндээ таалагдахгүй болохоор тухайн хүний ажил үйлс бүтэмжгүй болохоос эхлээд л амьдралд нь өөрчлөлт ордог. Майкл Жексоныг хар л даа. Хичнээн олон гоо сайхны мэс засал хийлгэсэн хүн билээ.

Уг нь түүнийг 100 насална гэсэн байсан шүү дээ.  Гэтэл насныхаа тоог гүйцээж чадалгүй нас бараа биз дээ. Энэ чинь сүнс нь таалахгүй болсны л илрэл. Хүн өөрийн журмынхаа эсрэг хандах нь ийм хор хөнөөлтэй байгаа юм.

– Та зурхайч хүн. Сүүлийн үед хүмүүс зурхайчид их хандах болсон. Ер нь зурхай хүний амьдралд ямар ач холбогдолтой вэ? – Зурхай гэдэг бол зур дараа нь хайж ол гэсэн үг л дээ. Үүнийг бид нар зохиогоогүй. Орчлонг өөрчилж байсан агуу юмыг мэдэрч байсан хүмүүс зохиосон.

Зурхай гэдэг маань тухайн хүний ирээдүйг хэлж өгөхийг л хэлээд байгаа юм. Яаж явбал зүйтэй вэ, муу юм тохиолдлоо гэхэд тэрнээс яаж гарах вэ гэдэг арга замыг зааж өгч байгаа зүйл. Хүмүүс зурхайтай ном сэтгүүл харчихаад лам дээр очиж засал хийлгэдэг. Угтаа бол лам хүний уншлагаар энэ бүгд шийдэгдэхгүй. Хувь хүн өөрөө л шийдэх учиртай юм.

Сүнстэйгээ бид зөв харьцаж чадвал тэр бидэнд тусламж үзүүлж тухайн үйл явдалд чинь нөлөөлж чадна. Тэгээд ч бид өглөө эртхэн босоод цэлмэг тэнгэрээ харчихаж чадахгүй байна. Уг нь цэлмэг тэнгэрээ өглөө бүр харж байвал өөрийгөө цэвэрлэчихэж байгаа юм. Ургах наранг ч гэсэн харж байх хэрэгтэй. За бүр болохгүй бол өрөөндөө лаа асааж байх хэрэгтэй.

– Бид сүнстэйгээ ярьдаг байх хэрэгтэй.  Чиний дээд үеийн сүнс бол дээд оюун ухааны хүчний түвшний төвд байгаа шүү дээ. Ерөөсөө дээд язгуурынхаа гурван үеийг мэддэг байх юм бол өвгөдийнхөө сүнстэй шууд харьцаж чадна. Би түрүүнд хэлсэн шүү дээ. Ааваасаа дээш гурван үеэ мэддэг хүн тэнгэртэй явдаг, ээжээсээ дээш гурван үеэ мэддэг хүн заяатай явдаг гэж.

Тэгэхээр тэнгэрлэг хүнтэйгээ харьцах газар бол эрүүл саруул тэнгэрлэг орчин байх ёстой. Эцэг өвгөдийнхөө сүнстэй ярих газрыг л хэлээд байна шүү дээ, би. Хүмүүс ханш нээгдэхээр бурхан болоочийнхоо газар дээр очдог. Энэ бол хамгийн буруу. Хамгийн ариун нандин газар л сүнс ирдэг. Бохир шуугиантай газар сүнс ирдэггүй.

Овоо толгод байж болно. Хүн сүнстэйгээ харьцахын тулд дээд мөнх тэнгэрээ шүтэж байх хэрэгтэй, тэтгэгддэг юм. Дэргэдэх Этүгэн эх болон газар нутгаа шүтэж байж тэжээгддэг учиртай. Сайн сайхан явахын тулд л сүнс сүлд сүлэлдэнэ. Үүнтэй холбогдуулаад бас нэг юм хэлчихэд хүмүүс хийморийн дарцаг хийсгээд уул овоон дээр тавьдаг даа.

Тэр хийморийн дарцгаа хамгаалах гээд гадуур нь уут углаад байдаг. Уут уг нь хэрэггүй юм. Яагаад гэхээр хийморийн дарцаг аль болох хурдан хугацаанд огторгуйд шингэж байна, тэр хэрээр чи хийморьтой явах учиртай.

– Сүнс гэдэг нь хүний биед оршин тогтнодог энерги юм. Ер нь хүний сүнс өдөрт долоогоос найман удаа биенээсээ гарч хаашаа ч юм аялдаг. Сүнсний аялал зүүд болж хүнд ирдэг учиртай. Тийм ч учраас үүрээр зүүдэлсэн зүүд биелдэг гэж ярьдаг.

Сонирхолтой ярилцлага өгсөн танд баяярлалаа, ярилцсан А.Тэргэл

Коронавирусийн халдвараар өвдөөд эдгэрсэн хүний заавал мэдэх 10 зүйл

Коронавирусийн бай эрхтэн бол уушги байдаг.  Коронавирүс нь хамар, залгиураар дамжин уушгинд хүрдэг. Уушгинд үрэвсэл үүсгэж, хатгалгаа болсон үед цэртэй ханиалгах, халуурах, хий ханиалгах, бие сулрах, ядрах , хоолонд дургүй болох зэрэг зовиурууд үүсдэг.

Эмнэлгийн нөхцөлд коронавирүсийн эсрэг эм, нянгийн үржлийг дарангуйлах антибиотик , дархлаа дэмжих эмийн эмчилгээг хийлгэж, цочмог үрэвслийг дарах боловч, уушгины эдийг нөхөн сэргээх эмчилгээг бүрэн гүйцэд хийж чаддаггүй тул та уушгиа бүрэн эрүүлжүүлэх дараах 10 арга хэмжээг өөртөө хэрэгжүүлээрэй.

1. Амьсгалын дасгал хийнэ. Хамгийн гол уушги дахь үлдэгдэл агаарыг бүрэн гаргаж,уушгийг цэвэр агаараар хангаж, уушги дахь хий солилцоог сайжруулах зорилготой байдаг тул зөв амьсгалын дасгал хийх нь хамгийн чухал юм.  Эндээс та бичлэгийг үзээд , гэртээ 10-15 удаа хийгээрэй.

 

2. Өдөрт 8 аяга буцалсан ус уугаарай.  Уушги луу орох агаар нь эхлээд хамар, залгиураар дамжих үедээ чийгшиж, бүлээсэж, цэвэршин уушги луу ордог. Иймээс агаарыг чийгшүүлэхэд шаардлагатай усыг ойр ойрхон уугаарай. Мөн гэрийн нөхцөлд хар цайны уураар утах, агаар чийгшүүлэгч ашиглах, чийгтэй цэвэрлэгээ өдөрт 2 удаа хийж өрөөгөө чийгшүүлээрэй.

 

3. Хэт хүйтэн, хэт халуун орчинд байхаас зайлсхийгээрэй. Коронавирүсийн улмаас үүссэн үрэвсэл нь ихэвчлэн уушгины доод дэлбэнд байрладаг тул хэт хүйтэн, хэт халуун агаар нь үрэвслийг сэдрээх хүчин зүйл болох тул аль болох тасалгааны хэмтэй орчинд байхыг хичээгээрэй.

4. Шингэц сайтай шөлтэй хоолыг түлхүү өдөрт 3-4 удаа хийж иднэ. Хоолондоо цагаан гаа, сармис, хар перецийг амтлагч байдлаар нэмэлтээр хэрэглээрэй. Эдгээр амтлагч нь халуун чанартай , үрэвсэл дарах үйлчилгээ өндөртэй байдаг тул таны уушгины үрэвслийг дарахад дэмжих эмчилгээ болно гэдгийг санаарай.

5.Уушги дахь үлдэц үрэвслийг бүрэн арилгах арга хэмжээ авна.

Коронавирүс нь уушгины доод дэлбэнг гэмтээж, уушгины гуурсан хоолойн архаг үрэвслийг үүсгэж, уушгины эдийг хатууруулж, сорвижуулах, шохойжуулах аюултай тул уушгины үрэвслийг бүрэн гүйцэд эмчлэх нь чухал юм. Иймээс эмнэлэгт хүчтэй эм тариагаар цочмог үрэвслийг дарчихсан байгаа тул аль болох байгалийн эмийн ургамлаар эмчилж , эдгээх нь хамгийн тохиромжтой. Эмийн ургамалд чихэр өвс, лидэр, гурван үрийн тан зэрэг орно.

Гэвч шууд л эмийн ургамлуудыг ууж болохгүйг бас анхаараарай. Аль болох зөв тунгаар харилцан үйлдлийг нь зохицуулсан эмийн ургамлын бэлдмэл хэрэглэхийг санал болгож байна. Үүнд гималай брендийн КОФЛЕТ , ДИАКОФ, ЭСВЭЛ БРЕЗОЛ ОРНО. Кофлет нь энэтхэгийн уламжлалт анагаахын жорон дээр үндэслэгдсэн хийгдсэн, найрлагын 25% зөгийн бал, чихэр өвс, гурван үрийн тан, цагаан гаа, хар перец , урт перец зэргийг агуулсан уушги дахь цэрийг шингэлж, цэрийг ховхолж уушги цэвэрлэх үйлдэл үзүүлнэ Иймээс КОВИД-19 ХАЛДВАРЫН ДАРАА цэр ихтэй ханиалгах зовиур үлдсэн бол өглөө, өдөр 10мл хоолны дараа 14-21 хоног хэрэглэнэ. Мөн тамхи их татдаг , тоостой орчинд ажилладаг, гагнуур хийдэг,  агаарын бохирдолтой орчинд ажилладаг, архаг бронхиттой хүмүүс уушги цэвэрлэх зорилгоор хэрэглэнэ.

Харин ДИАКОФ нь чихэр өвс, гурван үрийн тан, лидэр, хар перец, цагаан гаа зэргийг агуулдаг харьцангуй зөөлөн ханиалга үүсгэж, цэрийг шингэрүүлж, ховхолж, уушги цэвэрлэх үйлдэл үзүүлдэг ба уушги дахь гуурсан хоолойн үрэвслийг дарж, гуурсан хоолойн улайлтыг арилгаж өгдөг. Диакофыг КОВИД-19 халдварын дараа хүүхэд, өндөр настан, жирэмсэн, хөхүүл хүмүүсийн  уушгийг хамгаалах, үрэвслийг дарах, уушги цэвэрлэх зорилгоор өглөө, өдөр 10мл ууж хэрэглэхийг зөвлөдөг.

БРЕЗОЛ бол турмерик, ар үр, бар үр, базилик, жүр үр, лидэр эмийн ургамлын найрлагатай тул КОВИД-19 ХАЛДВАРЫН ДАРАА ХИЙ ХАНИАЛГАХ, АМЬСГААДАХ ЗОВИУР үлдсэн үед илүүтэй уухыг зөвлөдөг . Ялангуяа турмерик  нь гуурсан хоолойн цочролыг багасгаж, гуурсан хоолойг тэлж, уушгины агааржилтыг сайжруулж, амьсгаадах зовиурыг арилгана. Бүх насны хүмүүс уушги цэвэрлэх эмийг өдөр, өглөө уусаны дараа оройдоо уушгиа тайвшруулах, уушгины ерөнхий үйл ажиллагааг сайжруулах , шөнө ханиалгахгүй байх зорилгоор хослуулан хэрэглэхэд их тохиромжтой. Мөн брезол нь харшлын эсрэг үйлдэлтэй тул хамрын харшил, архаг бронхитийн үед хий ханиалгах, настай хүмүүсийн хий ханиалгах зовиуртай үед бас зөвлөгддөг.

6. Ковид -19 халдварын үед маш олон төрлийн эм тариаг нэг дор хэрэглэж байгаа учраас элэг, бөөр , ходоод зэрэг эрхтнүүд хямарч, бие ерөнхий хордлогонд орсон байдаг. ИЙМЭЭС ХОРДЛОГО ТАЙЛАХ АРГА ХЭМЖЭЭ авна.

Биеийн ерөнхий хордлогыг тайлах хамгийн шилдэг эмчилгээ бол шингэн зүйл сайн уух юм.Гэвч шингэн зүйл муу уудаг бол өрхийн эмнэлэгт хандан хордлого тайлах шингэн сэлбэх эмчилгээг  хийлгэж болно.  Мөн хөлсөөрөө хордлогыг гадагшлуулах арга бол дасгал хөдөлгөөн хийж, хөлсөө гадагшлуулж бас болно Бас арьсаараа гадагшлуулах арга бол хар цайнд орох, гангатай эсвэл далайн давстай  усанд орох, саунд суух юм.

Биеийн ерөнхий хордлого тайлах ПУРИМ эмийг 2ш өдөрт 3 удаа 1-3 сар ууж болно. Пурим нь 10 гаруйн төрлийн эмийн ургамлын ханд бөгөөд цус цэвэршүүлэх, хордлого тайлах, нянгийн үржлийг дарангуйлах, дархлаа дэмжих зэрэг нөлөөтэй эм юм.

7. Уушгины үйл ажиллагааг маш сайнаар дэмждэг зүйл бол ЧИЙГЛЭГ АГААР юм. Ковид-19 халдварын дараа уушги луу орох агаарыг аль болох чийглэг, цэвэр байлгах тал дээр анхаарна. Ийм агаар байдаг газар бол голын эрэг газар, эсвэл ойн агаар байдаг. ИЙМЭЭС голын эрэг газар эсвэл ойнд хоногт багадаа 2 цаг байж, цэвэр агаараар уушгиа тэтгээрэй. Мөн гэртээ өдөрт 1 удаа чийгтэй цэвэрлэгээ хийж байгаарай.

8. Жирэмсэн, настай хүмүүс , архаг уушгины өвчтэй хүмүүс КОВИД-19 халдварын дараа сувилалын газарт 10-14 хоног уламжлалт анагаах ухааны эмчилгээ хийлгэх, физик эмчилгээ, шавар эмчилгээ , бариа засал эмчилгээг заавал хийлгэнэ. Учир нь эдгээр хүмүүсийн уушгины үйл ажиллагаа сэргэхэд илүү их арчилгаа шаардлагатай байдаг.  Хэрэв тийм боломж байхгүй бол гэртээ уушгины үйл ажиллагааг сайжруулах амьсгалын дасгалыг заавал хийж,  гэрийн нөхцөлд хийх боломжтой иллэг массажийг туслах хүнээр өдөрт 2-3 удаа 7-14 хоног хийлгээрэй.

9. Ковид-19 халдварын дараа зүрх судасны өвчин, бөөрний өвчин, элэгний өвчин сэдрэх хандлага өндөртэй байдаг. Ялангуяа уушги зүрх хоёр нягт уялдаа холбоотой эрхтнүүд учир цусыг шингэн байлгах, артерын даралтыг тогтвортой байлгах, зүрхний хэмийг хэвийн байлгах, хүчилтөрөгчийн хэмжээг 98% байлгах зэрэг арга хэмжээг заавал авна. Харин бөөрний эмгэгтэй хүний хувьд шээсний өнгө , үнэрийг сайтар ажиглаж байх шаардлагатай. Бөөрний өвчин сэдэрсэн үед заавал эмчид хандан зөвлөгөөг авч эмчилгээ хийгээрэй. Мөн бөөр хамгаалах ЦИСТОН эмийг хэрэглэж болно.

10. Коронавирүс нь судас гэмтээх хандлагатай тул судас хаана байна тэнд үрэвсэл үүсгэх учраас л судас хамгаалах, судасны ханыг бэхжүүлэх үйлдэлтэй Витамин С  уухыг эмч нар зөвлөж байгааг бас санаарай.Гэхдээ хүүхдэд витамин +6 наснаас дээш бол  С 250мг , +12 наснаас дээш бол витамин С  500мг , +18 наснаас дээш хүмүүс

Витамин С 1000мг тус тус хоолны дараа ууж хэрэглэхийг сануулья. Ходоодны шарх, элэг, бөөрний өвчин, тулай , үе мөчний  өвчтэй хүмүүс витамин С 500мг -аас хэтрүүлсэний хэрэггүй.  Ковид-19 халдварын дараа ч ВИТАМИН Д 1000 ОУН нэгжээр өдөр бүр уусаар байх хэрэгтэй. МӨН ЦАЙР ихээр агуулсан нэмэлт бүтээгдэхүүнийг хэрэглэж, уушгины цэвэрлэх үүрэгтэй хучуур эс, хундганцар эс, сормуус эсийг нөхөн төлжүүлээрэй.

Нийтлэл бичсэн: Хүний их эмч Б.Даваацэрэн. Эх сурвалж: Ковид-19 халдварын дараах эмнэлзүйн түр заавар , Амьсгалын эрхтний эмгэг судлал

Израилийн “ногоон паспорт” буюу вакцинжуулалтын үр дүн

Харьцангуй цөөн хүн амтай Израиль улс коронавирусны цар тахалд маш хүндээр нэрвэгджээ. Нийтдээ 800 гаруй мянган хүн Ковид-19-ийн халдвар авснаас 6 мянга гаруй хүн нас барсан тул халдварын тархалтыг зогсоохын тулд 3 удаа хатуу хөл хорио тогтоосон байна. Үүний улмаас эдийн засгийн нөхцөл байдал хүндэрч, ажилгүйдлийн түвшин 20 хувьд хүрчээ.

Хямралаас нэн даруй гарч, иргэдийг хэвийн амьдралд нь эргүүлэн оруулахын тулд Израилийн эрх баригчид зоримог алхам хийж, 2020 оны 12 дугаар сараас эхлэн бүх нийтийг дархлаажуулах аяныг явуулсны үр дүнд 2 дугаар сарын сүүлч гэхэд хөл хориог аажмаар цуцалж эхэлсэн ба өдгөө тус улс вакцинжуулалтын хурдаар дэлхийд тэргүүлэх болов. Хамгийн сүүлийн мэдээллээр, 9,2 сая хүн амтай Израиль улсын иргэдийн 61,5 хувь нь вакцинжуулалтад хамрагдаад байгаа нь дэлхийд тэргүүлэх үзүүлэлт юм. Тэгэхээр 14-15-ны өдрүүдэд тэмдэглэх Тусгаар тогтнолын баяраа израильчууд “Коронавирусийг ялсан өдөр” болгохоор төлөвлөсөн бололтой.

Дархлаажуулалтын аян 12 дугаар сарын 20-нд эхэлсэн бөгөөд эхний ээлжинд халдвар авах эрсдэл өндөртэй 60-аас дээш насныханд вакцин хийж эхэлсэн бол 50-иас дээш насныхан, 16-18 насныхан гэсэн дарааллаар вакцинжуулалтанд хамруулжээ.

Ингэхдээ доорх 5 гол зарчмыг баримталсан байна. Коронавирусний халдвар авсан хүмүүст зөвхөн бүрэн эрүүл болсных нь дараа вакцин хийнэ. Дор хаяж 3 сарын дараа вакцины эхний тунг хийлгэх ёстой. Эхний тунг хийлгэсэн хүн Ковид-19-ийн халдвар авсан тохиолдолд бүрэн эрүүл болсных нь дараа хоёрдахь тунг хийнэ. Вакцины хоёр тунг хийлгэсэн хүн халдвар авсан тохиолдолд түүнд дахин вакцин хийхгүй. Тухайн хүн хөнгөн хэлбэрээр өвдөөд эдгэнэ.

–Эсрэг биетийн шинжилгээгээр тухайн хүн өмнө нь халдвар авсан нь тогтоогдвол 3 сарын хугацааг хүлээхгүйгээр нэг тун вакциныг дуртай үедээ хийлгэж болно. Ковид-19-ийн халдвар аваад эдгэсэн хүнээс эсрэг биетийг тодорхойлохын тулд цусны шинжилгээ хийхийг хориглоно. Эсрэг биет их хэмжээгээр байна гэдэг нь вирусний эсрэг найдвартай дархлаа үүссэн гэсэн үг биш.

Төдий удалгүй 1 дүгээр сард вакцин хийлгэсэн, халдвар аваад эдгэрсэн хүмүүст “ногоон паспорт” олгож эхлэв. Уг паспортыг вакцины 2 дахь тунг хийлгэснээс хойш 7 хоногийн дараа олгох ба 6 сарын хугацаанд хүчинтэй. Паспорттай иргэд спорт заал, усанд сэлэх газар, кафе, зоогийн газрууд, театр, кинотеатруудаар чөлөөтэй үйлчлүүлнэ. Мөн зочид буудалд байрлах, спорт, урлаг соёлын арга хэмжээнд оролцохоос гадна рашаан сувилалд явах боломжтой. Израилийн жуулчид Газар Дундын тэнгисийн хөрш орнууд руу аялаад эхэлсэн байна. 3 дугаар сарын 16-наас эхлэн бүх чиглэлд нислэгийг сэргээсний зэрэгцээ Израильд өдөрт 3 мянга хүртэлх тооны зорчигчийг хүлээн авна гэсэн квот тогтоожээ.

Одоогийн байдлаар, өдөрт дунджаар 150-160 мянган хүнд вакцин хийж байгаа бөгөөд Эрүүл мэндийн яамны мэдээллээр, хоёрдахь тунг хийснээс хойш 2 долоо хоногийн дараа Pfizer/BioNTech вакцины үр дүн нь 95,8 хувьтай байгаа ажээ. Цаашдаа хүн амын 80 хувь нь вакцинжуулалтад хамрагдсаны дараа “сүргийн дархлаа” үүснэ гэж мэргэжилтнүүд үзэж байна. Харин АНУ-ын зохицуулагч байгууллагаас Pfizer-ийн вакциныг 16-аас доош насныханд хийхгүй байхыг зөвлөжээ.

Израильчууд вакцинжуулалтыг амжилттай явуулж байгаа нь вакцин үйлдвэрлэгч Америкийн Pfizer/BioNTech компанитай онцгой нөхцлөөр байгуулсан гэрээний шууд үр дүн юм. Зарим мэдээллийг үзвэл, Европын Холбооны гишүүн орнуудтай харьцуулахад Израиль улс файзер вакциныг 2 дахин өндөр үнээр худалдах авахаар тохиролцжээ.

Тодруулбал, ЕХ-нд 12 еврогоор нийлүүлж буй вакциныг израильчууд 23 еврогоор худалдан авч байгаа учраас Америкийн компани эхний ээлжинд Израильд вакцинаа нийлүүлж байгаа аж. Үүнээс гадна, гэрээнд заасны дагуу вакцинаас үүдэн ямарваа сөрөг нөлөөлөл гарвал хариуцлагыг Израиль улс өөрөө хүлээх ёстой. Гэтэл европчууд хариуцлагыг үйлдвэрлэгч компанид үүрүүлэхийг оролдож байгаа аж. Өөр нэгэн чухал тохиролцоо бол, Израиль улс вакцинжуулалтын явцын талаарх бүхий л мэдээллийг /вакцинжуулалтад хамрагдсан хүмүүсийн нас хүйс, өвчлөлийн тоо гэх мэт/ долоо хоног бүр Pfizer компанид өгч байх ёстой.

Израилийн эрүүл мэндийн тогтолцоо бүрэн цахимжсан учраас вакцин үйлдвэрлэгч компани асар их мэдээллийг цаг алдалгүй хүлээн авч байна. Энэ бол тус компанийн хувьд асар үнэ цэнэтэй өгөгдлүүд бөгөөд үүний хариуд Израилийн хүн амын 95 хувьд хүрэлцэх хэмжээний вакциныг давуу нөхцлөөр тасралтгүй нийлүүлэхээр тохиролцжээ. Өөрөөр хэлбэл, Пфайзер компани асар том туршилтын талбартай болжээ гэсэн үг.

Үүний дараа Ерөнхий сайд Б.Нетаньяху, Эрүүл мэндийн сайд Й.Эдельштейн нар хамгийн богино хугацаанд вакцинжуулалтыг хийж дуусгана гэдгээ иргэддээ амалсан байна. Вакцин нийлүүлэлтийг хурдавчлахын тулд эрх баригчид цөхрөлтгүйгээр оролджээ. Б.Нетаньяху гэхэд, Pfizer-ийн ерөнхий захирал Альберт Бурла руу 30 удаа, заримдаа бүр шөнө дунд 03 цагийн үед утасдаж, янз бүрийн асуултаар булж байсан гэнэ.

Вакцинжуулалтад хамрагдах эсэх нь сайн дурын хэрэг боловч иргэдийг вакцинжуулалтын цэгт ирүүлэхийн тулд бүхий л шаардлагатай арга хэмжээг авна гэдгээ эрх баригчид шулуухан мэдэгджээ. Эрүүл мэндийн сайд хэлэхдээ “татгалзаж, хойш сууж байгаа хүмүүс тодорхой үйл ажиллагаа эрхлэх боломжгүй” гэж анхааруулжээ.

Өөрөөр хэлбэл, цаашдаа вакцин хийлгээгүй ажилтнууд ажлаасаа халагдах магадлал өндөр болох нь гэдгийг хүний эрхийг хамгаалагчид, үйлдвэрчний эвлэлийн байгууллагууд анхааруулж байна. Вакцин тариулаагүй хүмүүсийн эрх ашгийг хамгаалах хууль эрх зүйн актууд батлагдаагүй байгаа учраас ажил олгогчид өөрсдийн дүрэм журмыг тогтоогоод эхэлжээ.

Тухайлбал, Иерусалим хот дахь Intel Mobileye компанийн салбар гэхэд, энэ сарын 4-нөөс эхлэн тогтоосон журмын дагуу, вакцин хийлгээгүй ажилтан ажилдаа ирэхдээ сүүлийн 48 цагийн дотор хийлгэсэн шинжилгээний сөрөг хариуг авчрах ёстой гэсэн шаардлагыг тавьж байна. Баримжаа тооцоогоор, компаниудын нийт ажилтны 10 орчим хувь нь вакцин хийлгээгүй байх магадлалтай гэнэ.

Вакцинжуулалт амжилттай явагдаж байгаа хэдий ч тариулах хүсэлгүй хүмүүс олон бий. Тодруулбал, Израильд вакцин хийлгэх сонирхолгүй 16-аас дээш насны 650 мянган хүн байна гэдгийг тооцжээ. Тэдний дотор хэт хуучинсаг үзэлтэй /ультраортодокс/ еврейчүүд олон байгаа аж. Тэд коронавирусний халдварт хамгийн ихээр өртсөний учир нь эрх баригчдын авч буй арга хэмжээг эсэргүүцэн зөрүүдэлж, өөрсдийн удирдагчид болох раввинуудын хэлсэн үгийг дагасантай холбоотой.

Харин Б.Нетаньяху раввинуудад хандан хуучинсаг үзэлтнүүдэд нөлөөлөхийг уриалсны дараа халдварын тархалт саарч эхэлсэн байна. Ортодокс үзэлтнүүд хуучин загварын “Нокиа” гар утас хэрэглэдэг тул тэдэнд “ногоон паспорт”-ыг цахим хэлбэрээр илгээх боломжгүй, иймээс цаасан дээр хэвлэн өгч байгаа гэнэ.

Сайны хажуугаар саар гэгчээр вакцинжуулалтын аяны явцыг зарим иргэд янз бүрийн өнцгөөс дүгнэж байна. Израильчууд туршилтын туулай боллоо, вакцинжуулалт бол Нетаньяхугийн сонгуулийн кампанит ажлын нэг хэсэг, вакцин хийлгээгүй хүмүүсийг ялгаварлан гадуурхах хандлага бий боллоо гэсэн шүүмжлэлүүд тасрахгүй байгаа юм.

Орчуулсан : Б.Адъяахүү