АЛДАРТНУУДДЭЛХИЙСПОРТ

Зөн билэгтэн Д.Волхов: Гэртээ ямар зүйл хадгалах нь аюултай вэ? та хадгалаад аваарай

Гэр оронд байгаа бүхэн хүний амьдрал, хувь заяатай ямар нэг хэмжээгээр холбоотой байдаг. Зөн билэгтэн Демитрий Волхов ихэнх хүмүүсийн гэрт азгүйтэл, өвчин эмгэг, таагүй муу зүйл дуудсан эд зүйл хадгалагдаж байдаг гэжээ. Зарим нэг зүйл ил тод биш ч нууцлаг аюул тээсээр байдаг. Ямар эд зүйл гай зовлонгийн эх үүсвэр болдог вэ?

Хуучин хувцас, эд зүйл

Хэрвээ таны шүүгээнд аль эрт өмсөхөө больсон хуучин хувцас ихээр хуримтлагдсан бол энэ бүгдээс салах хэрэгтэй хоёр том шалтгаан байна. Нэг дэх учир шалтгаан гэвэл: өмсөж элээсэн хуучин хувцас хувийн амьдралд тань азгүйтэл дууддаг. Хоёр дахь нь шүүгээн доторх хуучин хувцас таны хувь хүний өсөлт хөгжилтөнд саад болж байдаг.

Ор дэрний хуучин хэрэгсэл

Ор дэрний хуучирч муудсан хэрэгсэл өвчин эмгэг дууддаг. Иймд аль болох хурдан энэ бүгдээсээ салж эс чадвал эрүүл мэндтэй тань холбоотой таагүй асуудлууд байнга гарсаар байх болно. Зөн билэгтэн Демитрий Волхов хуучин ор дэрний хэрэгслэлээ шатаах хэрэгтэй хэмээн зөвлөж байна. Энэ бүгдтэй хамт таны бие сэтгэлийг тавгүйтүүлсэн элдэв асуудлууд шатаж үгүй болно.

Илүү гэрийн шаахай

Гэрийн шаахай тухайн ам бүлийн тооноос илүүгүй байх ёстой. Харин ирсэн зочдод өөрийнхөө гэрийн шаахайг өмсүүлж болохгүй гэдэг нь таны эрүүл мэнд, элбэг хангалуун амьдрал, амжилтыг аваад явчихна гэдэг цээртэй холбоотой.

Хагарч эмтэрсэн сав суулга

Хагарч эмтэрсэн аяга тавгаа харамсах сэтгэлгүйгээр тухай бүр нь хаяж байх хэрэгтэй. Эмтэрхийгээ хаяж чадахгүй, шинэ, гоё сав суулгаа зөвхөн онцгой тохиолдолд хэрэглэх нь байдаг. Хагарч эмтэрсэн аяга тавагнаас идэж уучихаад дараа нь амьдрал яагаад ингэж бүтэлгүй байгааг гайхаад байдаг. Сав суулга гэдэг Демитрий Волховын хэлж байгаагаар тухайн айлын элбэг хангалууны бэлэгдэл болж байдаг тул хэрвээ хагарч эмтэрсэн ямар нэг зүйлийг хадгалаад байвал амьдрал ахуй тань мөн тийм л байх болно. Хагарч эмтэрсэн сав суулгаа хаяхгүй бол таны амьдрал, хувь заяанд ч цууралт, хагарал, ан цав үүснэ.

“Зөн билгийн тулааны” ялагч Демитрий Волхов хүний азтай, амжилттай явах эсэх нь тухайн хүний орших орон зайн тав тух, нөхцөл байдлаас ихээхэн хамаардаг гэж үздэг. Иймд өөрийнхөө эргэн тойронд цэвэр цэмцгэр, эмх цэгцтэй, тав тухтай орчин бүрэлдүүлж, эерэг энергээр өөрийгөө хүрээлүүлж чадвал таны амьдрал зөвхөн сайн сайхнаар л өөрчлөгдөх болно.

Эх сурвалж : Далд ертөнц ном

 Таны бие байнга ядраад байна уу, тэгвэл шалтгаан нь ердөө л энэ !!!

Ажлын нэг өдөр дуусч, эрч хүчээ алдаж ядрах нь хэвийн үзэгдэл. Гэвч хангалттай унтаж амарсны дараа ядаргаа тань тайлагдахгүй, бүүр байнга ядраад байвал бидний хүргэх мэдээлэлд анхаарлаа хандуулаарай. Учир нь танд доор дурдах есөн эмгэгийн дор хаяж нэг нь тохиолдсон байж болох юм.

Хэрэв танд бидний хүргэж буй эмгэгүүдийн аль нэг эсвэл хоёр болон түүнээс дээш шинж тэмдгүүд илэрч байгаа бол эмчид үзүүлж арга хэмжээ аваарай. Тэгвэл та эрч хүчээр дүүрээд л ирнэ.

1. Бамбайн хордлого. Хэрэв таны бамбай булчирхайн үйл ажиллагаа хангалтгүй бол та байнга ядарна. Үүнээс гадна булчин өвдөж, жин нэмж, сэтгэл гутралд өртдөг. Бамбайн хордлого нь хүн бүрт илэрч болох өвчин бөгөөд ялангуяа дунд насны эмэгтэйчүүдэд илүү тохиолддог.

Америкийн бамбай булчирхайн сангийн мэдээллээр 60-аас доош насны эмэгтэйчүүдийн 17 хувь нь бамбай булчирхайны асуудалтай байна. Энэ өвчнийг цусны шинжилгээ болон бамбайн булчирхайн оношлогоогоор мэдэж болдог байна.

2. Цус багадалт. Цус багадалт нь хүмүүсийн ядаргааны гол хүчин зүйл болоод удаж байна. Цус багадалтын улмаас цусанд хангалттай хэмжээний улаан эс бий болдоггүй бөгөөд энэ нь хүнийг сул дорой болгож, судас хүчтэй лугшиж, арьс цонхийж, толгой өвдөхөд хүргэдэг. Тиймээс цусан дахь улаан эсээ нэмэгдүүлж эдгээрээс сэргийлж, эрч хүчтэй болоорой.

Цус багадах өвчин нь хүний биед төмөр, витамин В12, фолийн хүчил дутсанаас болж үүсдэг байна. Хэрэв танд ийм шинж тэмдэг илэрч, тогтмол ядраад байвал цусны шинжилгээ хийлгэж цус багадалттай эсэхээ шалгуулаарай.

3. Чихрийн шижин. Байнга ядраад байгаагийн бас нэгэн шалтгаан бол чихрийн шижин юм. Чихрийн шижин нь маш аюултай өвчин бөгөөд таныг хөлгүй ч болгож мэднэ. Чихрийн шижинтэй хүний ам нь байнга цангаж, хэт их шингэнээ гадагшлуулахаас гадна тогтмол өлсөж жин алддаг. Чихрийн шижин өвчнийг цусан дахь сахрын хэмжээгээр мэдэж болдог.

4. Сэтгэл гутрал. Сэтгэлээр унаж, гутарснаар хүн эрч хүчээ алддаг. Гэвч хэсэг хугацааны дараа дахин эрч хүчтэй болж чадахгүй байвал та ядаргаанд орсон байна гэсэн үг. Иймд хүнд зүйл тохиолдсон ч сайн унтаж амарч, шим тэжээлтэй хоол хүнс идэж байгаарай.

Мөн итгэл найдвараа алдахгүй байж, өөрийгөө дорд үзэхгүй байх хэрэгтэй. Хэрвээ ингээд ч сэтгэл гутралаас гарч чадахгүй байвал өөрийг тань хайрладаг хүмүүстэй ойр байж, аялж, хөгжилдэхийг хичээгээрэй. Учир нь, эдгээр зүйлс л сэтгэл гутралыг эмчилдэг аж.

5. Айдас түгшүүр. Байнга түгшүүрт автах нь сэтгэцийн эмгэгийн хамгийн түгээмэл хэлбэр юм. Айдас түгшүүр нь сэтгэл гутралтай хамт тэргүүн эгнээнд явдаг бөгөөд тогтмол түгшүүртэй явснаар мэдрэл мууддаг. Иймд өөрийг тань айдас түгшүүрт автуулаад байгаа хүн, ажил, орчин, ер нь юу ч бай тэдгээрээс холд.

Хэр хурдан холдоно, төдий чинээ сэтгэл мэдрэлд  тань бага хор учирна. Үүнээс гадна сэтгэлзүйчээс зөвлөгөө авч болох юм шүү. Хэрвээ унтаж чадахгүй, анхаарал тань төвлөрөхгүй, тайван бус байгаад байвал айдас түгшүүрт автжээ гэж ойлгоорой.

6. Хурхирах. Хурхирдаг хүмүүс илүү ядардаг. Хурхиралт буюу амьсгал тасалдах хам шинж нь гол төлөв унтаж байхад тохиолддог бөгөөд амьсгал үе үе тасалдсанаар хүн олигтой амарч чаддаггүй. Мөн амьсгалын тасалдлаас болж эд эрхтнүүдэд энгийн хүнээс бага хүчилтөрөгч очдог байна.

Орчин үед хурхиралтыг эмчилдэг болсон бөгөөд хэрэв эмчлүүлэхгүй явсаар байвал хүндэрч нойргүйтэх, шөнө сэрэх, зүрхний өвчтэй болох, цус харвах гэх мэт зүйлс тохиолддог. Дашрамд дурдахад, хурхиралтаас болж шөнө сэрснээ хүн өглөө нь санадаггүй. Мэдээж ингэж зовиуртай унтсан хүн өдрийн турш ядрах нь тодорхой.

7. Архаг ядаргааны хам шинж. Саяхныг хүртэл архаг ядаргааг хэрхэн оношлохоо эрдэмтэд мэдэхгүй байв. Гэвч одоо оношлодог болжээ. Архаг ядаргаанд орсон хүний толгой өвдөх, булчин, үе мөчөөр өвдөх, бие сулрах, төвлөрөх чадваргүй болдог. Архаг ядаргаанд орсон хүн юуны түрүүнд унтаж, сэрснийхээ дараа шим тэжээлтэй хоол идэж дахин унтах хэрэгтэй.

8. Зүрхний өвчин. Хэрвээ та байнга ядраад байдаг бол зүрх чинь асуудалтай болсон байж магад. Яагаад гэвэл зүрхний үйл ажиллагааны доголдлоос болж эд эрхтнүүдэд амин чухал тэжээл тээсэн цус хангалттай хэмжээгээр очиж чаддаггүй. Бид бүхэн хоолоор ажилладаг шиг эд эрхтнүүд цусаар ажилладаг юм.

Хангалттай хооллож чадаагүй бие организм ядарч сульдах нь аргагүй билээ. Зүрхний үйл ажиллагааны доголдлыг мэдэх амархан бөгөөд шатаар өгссөний дараа ядарч, зүрхээр тань өвдөөд байвал эмчид хандаарай. Мөн эрүүл амьдралын хэв маяг сонгож, өөх тостой хоол, тамхинаас татгалзаарай.

9. Хүнсний бүтээгдэхүүний харшил. Байнга ядраад байгаа хүн зарим төрлийн хүнсний бүтээгдэхүүнийг идэх хүсэлгүй болдог бөгөөд зарим нь бүр харшил өгдөг. Эсрэгээрээ зарим төрлийн хүнсний бүтээгдэхүүн иддэггүй, эсвэл хүнсний харшилтай хүн ядаргаанд орох нь бий.

Учир нь, бидний идэж буй хоол хүнсэнд хүний бие организмд шаардлагатай бодис, шим тэжээл байдаг аж. Тэдгээрийг авч чадахгүй байх нь таныг ядраадаг. Тиймээс яг ямар бүтээгдэхүүн эсвэл бүтээгдэхүүнүүдээс харшилж байгаагаа мэдэх хэрэгтэй. Хамаг асуудал бүтээгдэхүүнд биш тэр дотор агуулагдаж буй нэг төрлийн бодисоос болж байгаа юм. Хэрвээ ийм зүйл тохиолдвол эмчид хандаарай.

Бэтгэсэн Б.Ундраа